Елена Зеленская TIME журналининг энг нуфузли 100 киши рўйхатига кирди

Украинанинг биринчи хоними Елена Зеленская Американинг TIME журнали томонидан 2023 йилда сайёрамизнинг энг нуфузли 100 кишиси рўйхатига киритилди. «Етакчилар» номинациясида Украина президенти Владимир Зеленскийнинг рафиқаси билан бирга Нобел мукофоти совриндори, ҳуқуқ ҳимоячиси Александра Матвийчук ҳам бор.

TIME журналининг ушбу номинациясида АҚШ президенти Жо Байден, Германия канцлери Олаф Шолц, Россияда ҳибсга олинган WSJ журналисти Эван Гершкович, Япония бош вазири Фумио Кисида ва бошқалар бор.

TIME журналининг энг нуфузли 100 киши рейтинги «Санъаткорлар», «Кумирлар», «Пионерлар», «Титанлар», «Инноваторлар» ва «Етакчилар» тоифаларидан иборат.

Эслатиб ўтамиз, 2022 йилда Россия Украинага қарши кенг кўламли уруш бошлаганида президент Владимир Зеленский йилнинг энг нуфузли шахсига айланганди.