Электр таъминотидаги чекловлар йирик узилишларнинг олдини олишга қаратилган

Аномал иссиқ ҳавода Ўзбекистоннинг айрим ҳудудларида электр таъминотидаги вақтинчалик узилишлар тизим барқарорлигини сақлашга ва йирик узилишларнинг олдини олишга қаратилган. Бу ҳақда Энергетика вазирлиги матбуот хизмати маълум қилди.

Маълумотларга кўра, сўнгги бир кун ичида Қашқадарё вилоятининг Кўкдала ва Чироқчи туманларидаги 1750 та истеъмолчи, Жиззах вилоятининг Шароф Рашидов ва Зомин туманларидаги 1200 та истеъмолчи, Хоразм вилоятининг Шовот, Гурлан ва Қўшкўпир туманларидаги 1300 та истеъмолчи, Тошкент вилоятининг Тошкент ва Зангиота туманларидаги 1000 та истеъмолчи қисқа муддатли мажбурий чеклов сифатида 2 соатга электр таъминотидан узилди.