“Рома” ҳужумчиси Элдор Шомуродов Рим клубини тарк этишга яқин турибди. Ҳужумчининг хизматларига “Торино” қизиқиш билдирмоқда. Бу ҳақда Corriere Gramata нашри ёзмоқда.
Манбанинг қайд этишича, “Торино” аллақачон футболчини сотиб олиш бўйича сўров юборган. Қайд этилишича, Турин клуби ҳамюртимизни кейинроқ сотиб олиш имконияти билан ижарага олмоқчи.
Шомуродов ўтган мавсумда "Рома"нинг 40та ўйинида майдонга тушди. Ҳужумчи бешта гол урди ва олтита голли узатмани ҳам амалга оширди.