Эквадордаги қуролли ҳужумларда 9 киши ҳалок бўлди

Эквадор ғарбида содир этилган иккита қуролли ҳужумда камида тўққиз киши ҳалок бўлди. Бу ҳақда пайшанба куни маҳаллий ОАВ хабар берди.

Пайшанба куни эрта тонгда полиция 17 дан 25 ёшгача бўлган олти эркакнинг жасадини топди.

Маҳаллий матбуот хабарларига кўра, жасадларнинг баъзилари боғланган ва ўқдан жароҳат олган. Улар полиция томонидан Манаби провинциясининг Манта порт шаҳридаги суд-тиббиёт марказига олиб кетилган.

Чоршанба оқшомида худди шу провинциядаги Бахия-де-Каракес шаҳрида бир оиланинг уч нафар аъзоси ҳалок бўлди.

Полиция маълумотларига кўра, Эквадорнинг Тинч океани соҳилидаги асосий гиёҳванд моддалар савдоси минтақаси бўлган Манабида бу йил зўравонлик кўпайган, кўплаб жиноятлар уюшган жиноятчилик билан боғлиқ.

Бунга жавобан ҳукумат можаро зоналарида жиноий гуруҳларга қарши курашиш учун полиция ва ҳарбий кучларни жойлаштирди. Январь ойида мамлакат президенти Даниэль Нобоа мамлакатда "террорчи" деб таснифланган 22 жиноий гуруҳга қарши "ички қуролли можаро" режимини эълон қилган эди.