Европа Иттифоқи етакчилари АҚШ билан муносабатларнинг ёмонлашувида "вазиятни юмшатиш"га ҳаракат қилмоқда. Шу мақсадда Савдо ва иқтисодий хавфсизлик бўйича Европа комиссари Марош Шефчовичнинг Вашингтонга навбатдаги ташрифи ташкил этилди. Бу ҳақда ТАСС ёзмоқда.
Европанинг Politico нашрининг хабар беришича, ташрифда Еврокомиссия раиси Урсула фон дер Ляйен кабинети раҳбари Бьорн Зайберт ҳам иштирок этади. Сафар Брюссел АҚШ президенти Дональд Трампнинг пўлат ва алюминийга импорт божларини жорий этишига жавоб чораларини кейинга сургани билан содир бўлди. Нашр ҳисоб-китобларига кўра, бу “Европа Иттифоқининг АҚШ билан савдо муносабатларида кучайиб бораётган кескинликни юмшатишга қаратилган навбатдаги уриниши” бўлади.
"Биз зарарли тарифларни жорий қилмаслик ва дунёдаги энг кучли бўлиб қолаётган Европа Иттифоқи ва АҚШ ўртасидаги савдо-иқтисодий муносабатларни йўқ қилиш ўрнига, мустаҳкамлаш учун ҳар икки томоннинг барча саъй-ҳаракатларини амалга оширишимиз керак", деди ЕКнинг савдо вакили Олоф Гилл.
Газетанинг эслатишича, Европа Иттифоқи аввалроқ АҚШдан 21,5 миллиард евролик импортга жавоб божлари жорий этиш масаласини кўриб чиққан, бироқ ЕИ бу чораларни қабул қилишни апрель ойи бошига кўчиришга қарор қилган.
Politico нашрига кўра, бундай ҳаракат Брюсселга Вашингтон билан музокаралар олиб бориш учун вақт беради. Европа Иттифоқи расмийлари, шунингдек, жавоб чораларига шубҳа билан қарайдиган айрим давлатларни, жумладан, Франция ва Италияни ҳам ягона позицияни эгаллашга кўндирмоқчи.
Россия ҳарбийлари Украина Қуролли кучларининг қурол заводи ва аэродромига зарба берди
Макгрегор етти йилни панжара ортида ўтказиши мумкин
Эрон ТИВ вазири: "Эрон урушга тайёр!"
