Европа Иттифоқи АҚШнинг Гренландия устидан жорий этган савдо тарифларига жавобан АҚШ компанияларининг Европа Иттифоқи мамлакатларидаги ҳукумат шартномаларига киришини тўсиб қўйиши мумкин.
Бу ҳақда Франция ташқи ишлар вазири Жан-Ноэль Барро маълум қилди.
"Бизда ўз манфаатларимизга қилинган ҳужумлардан ҳимоя қилиш учун кучли воситалар мавжуд. Биз Европа бозорига киришни чеклаш ва ҳукумат шартномаларини тақиқлаш ҳақида гапиряпмиз", деди вазир.
Унинг фикрича, "ҳеч ким ҳеч қачон савдо урушида ғалаба қозонмайди".
АҚШ президенти Дональд Трамп Гренландиянинг Қўшма Штатларга қўшилиши зарурлигини бир неча бор таъкидлаган. 17 январь куни у АҚШ Дания, Норвегия, Швеция, Франция, Германия, Буюк Британия, Нидерландия ва Финляндияга тарифларни жорий йилнинг 1 февралидан бошлаб 10% гача ва 1 июндан бошлаб 25% гача оширишини эълон қилди.
"Бу тарифлар Гренландияни сотиб олиш бўйича якуний ва тўлиқ келишувга эришилгунга қадар амал қилади", деб ёзди Америка етакчиси Truth Social ижтимоий тармоғида.
Кейинчалик, Буюк Британия ва Франция каби бир қатор Европа мамлакатлари раҳбарлари янги тарифларга қарши чиқишди.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Украина Россиянинг "Орешник" ракеталари учириладиган ракета майдончасига зарба берди
