Эфиопия жанубидаги кўчки оқибатида камида 20 киши ҳалок бўлди.
Бу ҳақда “Fana Broadcasting Corporate” давлат радиоси маълум қилди.
Маълумотларга кўра, кўчки мамлакат жанубидаги Гезе-Гофа ҳудудида содир бўлган. Туман раҳбари Мисикир Митикунинг айтишича, қутқарувчилар аллақачон 20 дан ортиқ жасадни топишга муваффақ бўлишган.
Унинг сўзларига кўра, кўчки содир бўлган ҳудудда қутқарув ишлари давом этар экан, ҳалок бўлганлар сони ортиши мумкин.
