Дунёдаги энг машҳур тиктокчи Хаби Лейм АҚШдан чиқариб юборилди

Дунёдаги энг машҳур тиктокчи Хаби Лейм визавий тартибни бузгани учун АҚШдан чиқариб юборилди. АҚШ иммиграция назорати хизматининг маълум қилишича, Италия фуқароси бўлган Хаби Лейм апрель ойидан бери мамлакат ҳудудида визада белгиланган муддатдан ортиқ қолган.

Юз миллионлаб обуначилари бор TikTok юлдузи Хаби Лейм — маъносиз «лайфхак»ларни ҳазиломуз, сукутли видеолари билан масхара қилиб машҳур бўлган. Бироқ маълум бўлишича, визавий қоидаларга риоя қилиш унга роликлардаги маиший муаммоларни ҳал қилишдек осон бўлмаган.