Дунёдаги энг бахтли шаҳар аниқланди

Дания пойтахти Копенҳаген юқори даражадаги барқарор ривожланиш, аъло даражадаги экология ва тоза транспортдан кенг фойдаланиш имкониятлари туфайли тенгсиз деб топилди.

Happy City Index ташкилоти дунёдаги энг бахтли шаҳарларнинг йиллик рейтингини эълон қилди. Дания пойтахти Копенҳаген 2025 йилда рекорд даражадаги 1039 балл тўплаб, пешқадам бўлди. Кучли бешликка, шунингдек, Цюрих (Швейцария), Сингапур, Орхус (Дания) ва Антверпен (Бельгия) кирди.