Дональд Туск ЕИнинг шарқий қаноти учун хавфлардан огоҳлантирди

Польша бош вазири Дональд Туск ЦРУ раҳбаридан яқин ойларда юз бериши мумкин бўлган воқеалар ҳақида батафсил ҳисобот олганини айтди ва Европани «турли сценарийларга тайёрланишга» чақирди.

Бу ҳақда у Польша, Словакия, Чехия ва Венгрияни ўз ичига олувчи Вишеград гуруҳи давлатлари ҳукумат раҳбарлари учрашувида маълум қилди.

«Польша ва бутун Европа турли сценарийларга тайёр бўлиши керак. Гап нафақат Россия-Украина фронти ҳақида, балки ЕИнинг шарқий қанотидаги вазият ҳақида ҳам бормоқда», — деди Туск.

Польша Россия ва Беларус билан чегарадош бўлиб, НАТОнинг шарқий қанотида муҳим стратегик ўрин тутади.

Туск ЦРУ ҳисоботида қайси аниқ таҳдидлар ёки муддатлар ҳақида гап борганини маълум қилмади.