Франция терма жамоаси бош мураббийи Дидье Дешам 2026 йилги жаҳон чемпионати ярим финалида Испанияга 0:2 ҳисобида мағлуб бўлганидан сўнг ўйин ҳақида фикр билдирди.
«Асосий сабаб шуки, биз имкониятларимиздан бироз пастроқ даражада ўйнадик ва ҳужумда кутилганидек хавфли бўла олмадик. Техник хатолар ва яхши вазиятларга олиб келиши мумкин бўлган узатмалар ноаниқ бўлди.
Бу оғриқли бўлса-да, қабул қилишимиз керак. Бу жуда юқори савиядаги футбол. Бу финалга чиқиш йўлидаги сўнгги қадам эди. Энди эса учинчи ўрин учун ўйнаймиз. Биз бу баҳсга ҳам тайёрланамиз. Бу мағлубият жамоамиз шу пайтгача қилган ишларини камситмайди. Аммо бугунги ўйинда Испания биздан устунроқ бўлди», — деди Дешам.
Эслатиб ўтамиз, Испания финалда Англия — Аргентина жуфтлиги ғолиби билан куч синашади. Франция эса жаҳон чемпионатининг бронза медаллари учун баҳсда иштирок этади.
"100 миллион доллар эвазига ҳатто ўз отамнинг ҳам юзига ураман"
Шавкат Раҳмонов энди октагонга умуман қайтмайди
Ўзбек футболчиси УЕФА Чемпионлар лигасида еттинчи учрашувини ўтказди
