Дембеле Ямални ортда қолдирди — ESPN дунё футболчилари рейтингини эълон қилди

«ПСЖ» ҳужумчиси Усмон Дембеле ESPN тузган дунёнинг энг яхши футболчилари рейтингида биринчи ўринни эгаллади. Бу ҳақда Mega PSG хабар берди.

Рейтингда «Барселона»нинг ёш юлдузи Ламин Ямал иккинчи ўринни олди. Кучли учликни яна бир «ПСЖ» футболчиси Хвича Кварацхелия якунлади.

«Бавария» ҳужумчиси Харри Кейн 4-ўриндан жой олган бўлса, унинг жамоадоши Майкл Олисе 5-поғонада қайд этилди.

«Манчестер Сити» форварди Эрлинг Холанд 6-ўринни эгаллади. «Реал» ҳужумчиси Килиан Мбаппе эса 7-поғонадан жой олди.

Кучли ўнликни Хулиан Альварес, Винисиус Жуниор ва Деклан Райс якунлаб берди.