Эндиликда бемор шифокор йўлланмасисиз ўз ташаббуси билан мурожаат қилса, тиббий хизматлар тўлов асосида кўрсатилади.
Ўзбекистон Республикаси ҳукумати томонидан Соғлиқни сақлаш вазирлиги тизимидаги давлат тиббиёт муассасаларида пуллик тиббий хизмат кўрсатиш тартибини белгиловчи янги низом тасдиқланди.
Унга кўра, эндиликда фуқаролар шифокор йўлланмасисиз, ўз ташаббуси билан тиббий ёрдам сўраб мурожаат қилган тақдирда, хизматлар пуллик асосда кўрсатилади.
Мазкур тартиб давлат тиббий суғуртаси пакети доирасида бепул тақдим этиладиган хизматларга тааллуқли эмас. Низомга кўра, суғурта пакети билан қамраб олинмаган бошқа турдаги хизматлар қўшимча пуллик хизматлар сифатида амалга оширилади.
Янги тартибга мувофиқ, беморлар тиббиёт муассасасининг қабул бўлимида рўйхатдан ўтгач, хизматлар учун тўловни олдиндан тўлиқ амалга ошириши лозим. Тўлов амалга оширилганидан сўнг бемор мутахассис қабулига, шунингдек, инструментал ёки лаборатория текширувларига йўналтирилади.
Текширув натижаларига қараб, бемор мутахассис ҳузурига, амбулатор ёки стационар даволанишга юборилиши мумкин.
Мазкур қарор тиббиёт тизимида шаффофликни таъминлаш, аҳолига кўрсатиладиган хизматлар сифатини ошириш ҳамда муассасалар молиявий мустақиллигини кучайтиришга қаратилган.
"Араблар Ҳабибни пулга кўмиб ташлашди..."
Кушербаев қарордан норози: "Мана бу ҳақиқий номардлик"
Россиянинг Су-35 самолётлари Қозоғистон Президентини Москвагача кузатиб борди
