Россияда, Гаврин Павлов Посад қишлоғида яшовчи фуқаро ўзининг 10 ойлик қизини ўлдиришда гумон қилинмоқда.
Прокуратура маълумотларига кўра, бир кун олдин у бола билан сайрга чиқишга қарор қилган. Юриш пайтида у қизни бўғиб ўлдирган ва жасадини ўрмондаги қорга кўмган.
“МК” хабарига кўра, 34 ёшли аёл оиласи билан Гаврин қишлоғига ташриф буюрган. Аёлнинг опаси сайрдан қайтмагач полицияга мурожаат қилган. Полиция аёлни, унинг яқинида эса қорга кўмилган қизини топди. Аёл боланинг тинимсиз йиғлашидан чарчаганини ва қизини бўғиб ўлдирганини айтди.
Маълум бўлишича, аёл мактабда ишлаган, у ердан туғруқ таътилига чиққан.