CNN: АҚШда машҳур бошловчи Жимми Киммелнинг шоуси эфирдан олиб ташланди, бунга унинг Чарли Киркни ўлдирилиши ҳақидаги изоҳлари сабаб бўлди

Американинг ABC телеканали шоуни “ноаниқ муддатга” тўхтатиб қўйганини эълон қилди.

Душанба куни Киммел президент Доналд Трамп ва унинг тарафдорларини консерватив фаол Чарли Киркнинг ўлимидан “сиёсий очко йиғиш” учун фойдаланаётганликда айблаган эди.

CNN'нинг хабар беришича, шоуни эфирдан олиб ташлаш тўғрисидаги “ҳайратланарли қарор” Трамп маъмуриятидаги маҳаллий телеканалларга лицензия бериш учун масъул амалдор компаниядан Киммелга нисбатан жазо чораси кўришни омма олдида талаб қилганидан атиги бир неча соат ўтиб қабул қилинган.

Доналд Трамп бошловчининг эфирдан четлатилишини олқишлади. "АBC'ни ниҳоят зарур бўлган ишни қилишга журъат топгани учун табриклайман", — деб ёзди у ўзининг Truth Social ижтимоий тармоғида.