Чехия шимолида юк машинаси йўловчи поезди билан тўқнашиб кетди

Чехия шимолида юк машинаси йўловчи поезди билан тўқнашиб кетди.

Бу ҳақда "КТК" ахборот агентлиги маълумот тарқатди.

Маълумотларга кўра, ҳодиса Простейов ва Костелец-на-Гане шаҳарлари ўртасидан ўтувчи темир йўл линиясининг тартибга солинмаган (шлагбаумсиз) кесишмасида содир бўлган. Тўқнашув оқибатида поезднинг биринчи вагони рельсдан чиқиб кетган.

Ҳодиса натижасида саккиз киши тан жароҳати олгани билдирилмоқда.

Ҳалокат вақтида поездда 20 дан ортиқ йўловчи бўлган. Айни пайтда ҳодиса сабаблари ўрганилмоқда.