"Челси" Хави билан 7 йиллик шартнома имзолайди

"РБ Лейпциг" ҳужумкор ярим ҳимоячиси Хави Симонс "Челси"га ўтишга янада яқинлашди.

Лондон гранди трансфер шартлари бўйича "РБ Лейпциг" билан келишувга яқин - футболчи "кўклар"га тахминан 70 млн еврога тушади. Журналист Николо Скиранинг сўзларига кўра, Симонснинг ўзи билан шартнома аллақачон келишилган: нидерландиялик етти йилга мўлжалланган шартномани имзолашга тайёр, битимга яна бир йилга автоматик узайтириш имконияти ҳам киритилади.

"РБ Лейпциг" январь ойида Хави Симонсни "ПСЖ"дан 50 млн еврога сотиб олганди. Ўтган мавсумда 22 ёшли футболчи "қизил буқалар" сафида 33 та ўйинда майдонга тушиб, 11 та гол ва 8 та голли узатмага муаллифлик қилган