Бугун 31 август, 2025 йил, якшанба

O'ZB

Чайқовчилар Иноуэ-Аҳмадалиев жанги чипталарини 13 баробар қимматга сотишяпти

Чайқовчилар Иноуэ-Аҳмадалиев жанги чипталарини 13 баробар қимматга сотишяпти

Хабарингиз бор, 14 сентябрь куни Япониянинг Нагоя шаҳрида жаҳон бокси учун аҳамиятли ҳисобланган профессионал бокс турнири бўлиб ўтади.

Оқшомнинг асосий жанги биринчи ярименгил вазн тоифасида мутлақ жаҳон чемпиони Наоя Иноуэ ҳамда ҳамюртимиз Муроджон Аҳмадалиев ўртасида ўтказилади. Жангга қизиқиши юқорилигидан унинг чипталари нархи кескин кўтарилиб кетди. Қўлда чипталар ўз нархидан 13 баробар қимматга сотилаётгани айтилмоқда.

Турнир ташкилотчиси бўлган япониялик промоутер Хидеюки Охаши шоу чипталари билан чайқовчиларни судга бермоқчи эканини маълум қилди.

"Афсуски, чипталар норасмий сайтларда бир неча баробар қиммат нархларда сотилмоқда. Ҳозир биз ҳуқуқшунослар билан бу борадаги эҳтимолий ҳаракатларимизни муҳокама қиляпмиз", деган Охаши Йокогама шаҳрида бўлиб ўтган матбуот анжуманида.

Промоутернинг сўзларига кўра, расмий нархи 10 000 иена (68,11 АҚШ доллари) бўлган чипталар 130 000 иена (885,41 АҚШ доллар)дан сотилмоқда. Нархи 77 000 иена (524,44 доллар)лик чипталар эса чайқовчиларда 320 000 иена (2179,47 доллар)га сотиляпти.

Киритилди: 23:23 30.08.2025. Ўқилди: 2309 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!