Британия қирғоқ қўриқлаш хизмати Ла-Маншда 140 нафар ноқонуний мигрантларни олиб кетаётган кемани қўлга олди.
Бу ҳақда Sky News телеканали хабар берди.
Маълумотларга кўра, операцияда қутқарув қайиқлари, вертолёт ва Британия қирғоқ қўриқлаш хизмати самолёти иштирок этган. Қўлга олинган кема Франциянинг шимоли-ғарбий қисмидаги Нормандия минтақасида жойлашган Жобург коммунасидан Англиянинг Хэмпшир қирғоқлари томон ҳаракатланаётган эди.
Мигрантлар Қироллик Миллий қутқарув жамияти қутқарув қайиқларига ўтказилди ва Портсмутга олиб кетилди. Кейин улар мигрантлар учун вақтинчалик сақлаш маркази жойлашган Манстонга олиб кетилиши кутилмоқда.
2018 йилдан бери 205 мингдан ортиқ ноқонуний мигрантлар Ла-Маншдан Буюк Британияга шишириладиган қайиқларда ўтишган. Европа Иттифоқидан чиққанидан бери ноқонуний миграция масаласи қироллик учун янада долзарб бўлиб қолди, гарчи бу муаммо Brexit фойдасига асосий аргументлардан бири бўлган бўлса ҳам.
Биз Ғазо сектори ва Ливан қишлоқларини вайрон қиляпмиз, бутун дунё эса бизга қойил қолмоқда
Биргина сурат махфий режани тасодифан ошкор қилди. 5 кун ичида нималар бўлди?
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
