Буюк Британия ва Австралия ядровий сув ости кемаларини қуриш ва улардан фойдаланиш бўйича 50 йиллик икки томонлама ҳамкорлик шартномасини имзолади.
Бу ҳақда Буюк Британия Мудофаа вазирлиги баёнотида айтилган.
Ҳужжатни департамент раҳбари Жон Хили ва унинг австралиялик ҳамкасби Ричард Марлес имзолади. Баёнотда қайд этилганидек, келишув "SSN-AUKUS классидаги сув ости кемаларини лойиҳалаш, қуриш, фойдаланиш, техник хизмат кўрсатиш ва фойдаланишдан чиқариш бўйича ҳар томонлама ҳамкорликни таъминлайди”.
Битим Австралия, Буюк Британия ва АҚШ (AUKUS) ҳукуматлари ўртасидаги уч томонлама ҳамкорликка асосланган.
Икки томонлама келишувнинг асосий мақсади "мудофаа секторини иқтисодий ўсиш механизми сифатида ишлатиб, Евро-Атлантика ва Ҳинд-Тинч океани минтақаларида ўнлаб йиллар давомида барқарорлик ва хавфсизликни сақлаш" эканлиги айтилади. Лондонда келишув имзоланиши арафасида таъкидланганидек, у кейинги 25 йил ичида 20 миллиард фунт стерлинг (27 миллиард доллар) даражасида янги экспорт имкониятларини яратиши керак.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Султон Али Раҳматов оламдан ўтди
