Буюк Британия қироли Чарльз III кенг кўламли хайрия кампанияси доирасида саратон касаллигига қарши кураши ҳақида оммага очиқ гапиришга қарор қилди. Бу ҳақда Daily Mail хабар берди.
Қирол томонидан ёзиб олинган мурожаат “Саратонга қарши кураш 2025” кампанияси доирасида намойиш этилади. Кампания Cancer Research UK ва Channel 4 ҳамкорлигида ташкил этилган.
Мақолада таъкидланишича, Чарльз III нинг мурожаати “шахсий” хусусиятга эга. Монарх касалликка ташхис қўйилиши, унга қарши курашиши ҳақида батафсил маълумот беради ва бу борадаги шахсий тажрибасини очиб беради. Бундан ташқари, у саратонни эрта аниқлаш учун скрининг дастурларига алоҳида эътибор қаратади.
Қиролнинг мурожаати Channel 4 телеканали тунги дастурининг асосий қисмига айланади. Бундай очиқ-ойдинлик Британия монархияси учун ноёб ҳодиса, чунки қироллик оиласи аъзолари анъанавий равишда тиббий масалаларда сир сақлашади.
Буюк Британия қиролининг соғлиғи сўнгги ойларда жиддий ёмонлашган. Саратон касаллигига қарши курашаётган Чарльз III учун ҳасса заруриятга айланган.
Журналистларнинг аниқлашича, энди монарх Норфолкдаги мулкида қийинчилик билан ҳаракатланмоқда. Бундан ташқари, у оғриқни енгиш учун спиртли ичимликлар истеъмол қилмоқда.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
