Буюк Британия қироли Чарлз III нинг укаси шаҳзода Эндрю жинсий тажовуз айблови туфайли барча унвонларидан маҳрум қилинди

Бу ҳақда BBC нашри Букингем саройига таяниб хабар бермоқда.

Эндрюни барча унвонлар ва фахрий мукофотлардан маҳрум қилиш жараёни қирол Чарлз III томонидан бошланган.

Букингем саройи Эндрю Виндзордаги Роял Лодгени тарк этишга мажбур бўлишини эълон қилди. Шаҳзода Эндрю Норфолкдаги Сандрингем мулкига кўчиб ўтади, бу қирол томонидан молиялаштирилади. Эндрюнинг қизлари малика Евгения ва малика Беатрис унвонларини сақлаб қолади.

"Ушбу қоралашлар Эндрю унга қарши айбловларни рад этишда давом этаётганига қарамай зарур. Зоти олийлари ҳар қандай зўравонлик қурбонлари ва омон қолганлар билан ўз фикрлари ва чуқур ҳамдардликларини очиқ айтишни истайди", дейилади Букингем саройи баёнотида.

Маълумот учун, 2021 йил август ойида америкалик Виржиния Жуффре шаҳзода Эндрюга қарши жинсий зўравонлик бўйича даъво қўзғатган эди. Унинг таъкидлашича, ўсмирлик пайтида шаҳзода ва унинг дўсти бўлган америкалик молиячи Жеффри Эпштейн аёлга жинсий тажовуз қилган. 2025 йил апрел ойида Жуффре ўз жонига қасд қилганди.