Буюк Британия миграция қоидаларни кучайтирмоқчи

BBC: Буюк Британия миграция қоидаларни кучайтирмоқчи, энди мамлакатга ноқонуний келганлар доимий яшаш учун ариза беришни 20 йил кутишади

Буюк Британия Ички ишлар вазири Шабана Маҳмуд душанба куни мамлакатнинг миграция сиёсатига оид янги режаларни эълон қилиши кутилмоқда, дея хабар бермоқда нашр.

Ушбу режага кўра, Буюк Британияга ноқонуний равишда келган бошпана изловчилар, шунингдек, виза муддати тугаганидан кейин бошпана сўраб мурожаат қилганлар 20 йил кутишлари зарур. Мамлакатга қонуний йўл билан келганлар эса бунинг учун 10 йил кутишлари керак бўлади.

"Ҳозирда қочқин мақоми беш йил давомида амал қилади, шундан сўнг одамлар доимий яшаш учун ариза беришлари мумкин. Лондон бу муддатни икки ярим йилгача қисқартиришни, шундан сўнг қочқин мақоми мунтазам равишда кўриб чиқилишини истайди. Агар бундай шахсларнинг келиб чиқиш мамлакати “хавфсиз” деб топилса, қочқинлар ўз юртига депорт қилинади", дейилади BBC хабарида.