Буюк Британия бош вазири Кир Стармернинг айтишича, навбатдаги парламент сайловлари олдидан солиқларни ошириш лейбористлар ҳукумати режаларига кирмайди, бироқ кутилмаган инқирозлар юзага келган тақдирда бу позицияни қайта кўриб чиқиш имкониятини истисно этмади.
Бу Стармер BBCа берган интервьюсида айтиб ўтган.
Унинг сўзларига кўра, жиддий ва кутилмаган ҳодисалар солиқ сиёсатига тузатишлар киритишни талаб қилиши мумкин. У пандемия ёки ҳарбий можароларни кутилмаган инқирозлар деб таснифлади.
Бош вазирнинг бу баёноти Молия канцлери Рэйчел Ривзнинг баҳсли позициясидан сўнг янгради. Шу ойнинг бошида у солиқларни оширишни рад этди, аммо кейинчалик бу ваъдани такрорлашдан тўхтади.
Октябрь ойида бюджет муҳокамаси чоғида муҳокама қилинган сўнгги солиқ чоралари Буюк Британияда жамоатчиликнинг норозилигига сабаб бўлди. Айниқса, иш берувчиларнинг Миллий суғурта бадалларининг кўпайиши ва фермерлар учун мерос солиғига киритилган ўзгартиришлар танқид қилинди.
Эслатиб ўтамиз, лейбористлар 2024 йил ёзида Буюк Британияда навбатдан ташқари парламент сайловлари натижаларига кўра ҳокимият тепасига келган.
Ўзбекистонда хизмат кўрсатган артист Ойгул Халилова вафот этди
Учта Chevrolet энг серхаражат автомобиллар ўнлигига кирди
Майкл Жексоннинг 2025 йилдаги соф бойлиги қанча эканлиги эълон қилинди
