Буюк Британия Бош вазири Кир Стармер ўзининг истеъфога чиқиш санасини 22 июнь, душанба куни эълон қилишни режалаштирмоқда.
Бу ҳақда The Guardian газетаси хабар берди.
"Стармер ўзининг истеъфога чиқиш жадвалини душанба куни эрталаб эълон қилиши кутилмоқда. Бу қадам Энди Бернемнинг кузда Стармер билан тўғридан-тўғри раҳбарлик мусобақасида қатнашмасдан бош вазир бўлишига йўл очади", деб таъкидлайди газета.
Газета манбаларга таяниб, Британия вазирлар маҳкамаси вакиллари Стармернинг ихтиёрий равишда истеъфога чиқишга тайёрлигини тасдиқлашди.
The Guardian газетаси бош вазир дастлаб Бернемнинг уни Лейбористлар партияси ва ҳукумат раҳбарлигидан четлаштиришга қаратилган уринишларига қаршилик кўрсатишни ният қилганини таъкидлайди. Бироқ, газетанинг ёзишича, ўндан ортиқ вазирлар маҳкамаси аъзолари махфий суҳбатларда Стармерга унинг истеъфога чиқиши кераклигини аниқ айтишган. Натижада, бош вазир дам олиш кунларини босқичма-босқич истеъфога чиқиш режасини ишлаб чиқиш билан ўтказди.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
