Бухорода маҳаллаларнинг топографик хариталари тайёрланмоқда

Давлат кадастрлар палатаси Бухоро вилоят бошқармасининг "Топографик ва картографик материалларни тайёрлаш сектори" томонидан жорий йилда жами 341 гектар ер майдонига умумий қиймати 301 926 423 сўмлик топографик хизматлар кўрсатилган. Бу ҳақда Давлат кадастрлари палатаси Бухоро вилояти бошқармаси ахборот хизмати маълум қилди.

Бундан ташқари Ўзбекистон Республикаси Президентининг 2022 йил 16 август кунидаги «Маҳалла институтининг жамият ҳаётидаги ролини мустаҳкамлаш ва молиявий имкониятини янада кенгайтириш чора-тадбирлари тўғрисида»ги қарорида 2023 йил 1 январга қадар ҳар бир маҳалланинг аниқ чегаралари белгилаш бўйича бир қатор вазияфалар кўрсатиб ўтилган. Қарорда белгиланган вазифалар ижросини таъминлаш мақсадида, Бухоро вилоятидаги мавжуд 544 та маҳалла фуқаролар йиғинларининг аниқ чегаралари тасвирланган топографик хариталари тайёрлаб чиқилмоқда.

Айни пайтда туман ва шаҳарлардаги айрим маҳаллаларнинг худудий бўлиниши бўйича таклиф лойиҳалари бўйича иш олиб борилмоқда. Мазкур жараёнлар жорий йил якунига қадар тўлиқ тугатилиши таъминланади.