Бухорода 3,7 млрд сўмлик Аи-80 маркали автобензинни ноқонуний равишда улгуржи сотиб юборган МЧЖ аниқланди

Бухоро вилоятида 430,7 тонна Аи-80 маркали автобензинни ноқонуний равишда улгуржи сотиб юборган МЧЖ аниқланди.

“Ўзенергоинспекция” Бухоро вилоят ҳудудий бошқармаси томонидан ўтказилган назорат тадбирида Когон тумани “Ўба чўли” МФЙда жойлашган “Н.П.” МЧЖга қарашли автомобилларга ёқилғи қуйиш шахобчасида нефт маҳсулотларини сотувга чиқарилиши бўйича ноқонуний ҳолат аниқланди.

Хусуссан, “Н.П.” МЧЖга қарашли автомобилларга ёқилғи қуйиш шахобчаси иш фаолиятида бўлмасада, “Бухоро нефт базаси” МЧЖдан жами 430,7 тонна (3,7 млрд сўмлик) АИ-80 маркали автобензинни шахобча сиғимларига туширилмасдан автоцистерна орқали улгуржи сотиб юборилганлиги аниқланди.

Мазкур ҳолат юзасидан қоидабузарликка йўл қўйган ушбу АЁҚШларда биржа савдоларида иштирок этиши вақтинча тўхтатилди.