Mercedes-Benz савдоси кескин тушиб кетди

2025 йилнинг учинчи чорагида Mercedes-Benz глобал савдоси ўтган йилнинг шу даврига нисбатан 12 фоизга камайди.

Бу ҳақда Reuters агентлиги хабар бермоқда.

"Европа, Жанубий Америка ва Форс кўрфази минтақасида сотувлар яхши кўрсаткичларга эга бўлса-да, учинчи чоракдаги сотувларимизга Хитойдаги бозор шароитлари таъсир кўрсатди", - дея компания директорлар кенгаши аъзоси Маттиас Гайзен сўзларини келтирган агентлик.

Дунёнинг энг йирик автомобиль бозорлари – АҚШ ва Хитойда немис автомобиль ишлаб чиқарувчисининг сотуви ўтган чоракда мос равишда 17 ва 27 фоизга камайди. Mercedes-Benz бошқа немис автомобиль ишлаб чиқарувчилари билан биргаликда АҚШ президенти Дональд Трамп томонидан жорий қилинган тарифларнинг ошиши, шунингдек, маҳаллий автомобиль ишлаб чиқарувчиларнинг кескин рақобати туфайли Хитойда сотувлар камайиши туфайли 2025 йилга мўлжалланган ишлаш прогнозини пасайтирди.