Бунёдкор стадиони қарздорлик сабаб электрдан узиб қўйилди

“Бунёдкор” стадионида электр таъминоти қарздорлик туфайли 4 сентябрь санасидан эътиборан тўлиқ узиб қўйилгани оқибатида, Ўзбекистон Профессионал футбол лигаси вақтинча масофадан ишлаш режимига ўтди. Бу ҳақда Лига матбуот хизмати маълум қилди. Электр йўқлиги Лига серверларининг ишламай қолишига ҳам сабаб бўлган. Шу боис Суперлига ва Пролига ўйинлари трансляцияси учун ҳозирча ташқи серверлардан фойдаланилмоқда.