Бугун Россия ва Сурия ташқи ишлар вазирлари минтақавий кун тартибидаги масалаларни муҳокама қилишади

Россия ташқи ишлар вазири Сергей Лавров ва унинг суриялик ҳамкасби Асаад ал-Шибоний 31 июль куни Москвада музокаралар ўтказади.

Бу ҳақда Россия ТИВ расмий вакили Мария Захарова маълум қилди.

"31 июль куни Москвада Россия ташқи ишлар вазири Лавров ва Сурия Араб Республикаси ташқи ишлар ва хориждаги ватандошлар вазири ал-Шибоний ўртасида музокаралар бўлиб ўтади. Учрашувда икки томонлама кун тартибидаги долзарб масалалар, халқаро ва минтақавий муаммоларни муҳокама қилиш режалаштирилган", — деди у.