Бугун Анталияда COP31 етакчилар саммити бўлиб ўтади

Бугун Анталия шаҳрида Туркия президенти Ражаб Тоййиб Эрдоған раислигида COP31 етакчилар саммити бўлиб ўтади.

Тадбирда БМТ Бош котиби Антониу Гутерриш ҳамда 95 та давлатдан 102 нафар давлат ва ҳукумат раҳбари иштирок этиши кутилмоқда.

Очилиш маросимида Ражаб Тоййиб Эрдоған Туркиянинг иқлим стратегиясини тақдим этади. Шунингдек, БМТ Бош котиби Антониу Гутерриш ва COP31 саммити раиси, Туркиянинг атроф-муҳит, шаҳарсозлик ва иқлим ўзгариши вазири Мурат Курум ҳам нутқ сўзлайди.

Дастур доирасида Туркиянинг етти минтақаси халқ рақсларини ягона хореографик композицияда намойиш этувчи «Anadolu Ateşi» рақс жамоасининг чиқиши режалаштирилган.

Бундан ташқари, иштирокчиларга Туркия COP31 саммитининг асосий ғояси сифатида илгари сурган «Амалий ҳаракатлар COP саммити» концепциясига бағишланган махсус фильм намойиш этилади.

Шунингдек, саммитнинг «Let's COP» деб номланган расмий қўшиғи тақдим этилади.