Будановнинг АҚШ билан алоқалари Украинанинг тинчлик музокараларига таъсир қилиши мумкин

Будановнинг АҚШ билан алоқалари Украинанинг тинчлик музокараларига таъсир қилиши мумкин — The New York Times.

Кирилл Буданов АҚШ билан узоқ йиллик ва мустаҳкам алоқаларга эга. Кузатувчиларнинг фикрича, бу ҳолат Украинанинг Трамп маъмурияти билан тинчлик музокараларида муҳим рол ўйнаши эҳтимоли мавжуд.

"Буданов АҚШ Марказий разведка бошқармаси (CIA) қўллаб-қувватлаган дастур доирасида махсус тайёргарликдан ўтган. Бундан ташқари, у Украина шарқида яралангач, Қўшма Штатларнинг Мэриленд штатидаги Уолтер Рид номидаги Миллий ҳарбий-тиббий марказда даволанган. Бу украиналик ҳарбий хизматчи учун кам учрайдиган ҳолат ҳисобланади", дея ёзмоқда нашр.