Маҳаллий оммавий ахборот воситаларининг хабар беришича, Илам вилоятидаги Абданан шаҳри Эрон Ислом Республикаси ҳукумати назоратидан чиққан биринчи шаҳар бўлди. Намойишчилар Абданандаги полиция бошқармаси биносини эгаллаб, шаҳар устидан тўлиқ назорат ўрнатишган. Шаҳар полициячилар битта ҳам ўқ узмасдан таслим бўлиб, намойишчиларга қўшилишган.
Бундан ташқари, намойишчилар Малекшаҳи шаҳрини ҳам ўз назоратларига олишга муваффақ бўлишгани ҳамда хавфсизлик кучларини шаҳардан сиқиб чиқаришгани хабар қилинмоқда. Аммо бу хабар расман тасдиқлангани йўқ.
Шунингдек, бугун Теҳроннинг энг йирик бозорида минглаб савдогарлар режимга қарши шиорлар билан норозилик акцияси ўтказишди. Бу воқеа уч кун аввал оятуллоҳ Али Хоманаий томонидан берилган баёнотдан кескин фарқ қилади. Оятуллоҳ ўз баёнотида савдогарларни “Исломий режимга энг содиқ қатламлардан бири” деб атаган эди.
Эронда ҳукуматга қарши намойишлар 28 декабрдан бери давом этмоқда. Хавфсизлик кучлари намойишчиларга қарши ўқлар, сув пуркагичлар ва кўзни ёшлантирувчи газдан фойдаланяпти, лекин намойишларни тўхтата олмаяпти. Мамлакат бўйлаб кўчага чиқаётган одамлар сони тобора ортиб бормоқда.
Сўнгги маълумотларга кўра, Эрондаги норозилик намойишларида камида 35 киши ҳалок бўлган, 1200 дан ортиқ намойишчи ҳибсга олинган.
Саида Мирзиёева: Бу фожиа нафақат Ўзбекистонга, балки барча постсовет мамлакатларига хосдир"
Хоин тан соқчи 50 миллион доллар олиши мумкин
Мадуронинг ўғли отасининг ўғирлаб кетилишидан сўнг унга мурожаат қилди
