Венесуэлада президент қароргоҳи яқинида отишма юз берди

Венесуэла пойтахти Каракасдаги президент саройи яқинида отишма овозлари қайд этилган.

Бу ҳақда Американинг BNO News портали хабар бермоқда.

Агентлик маълумотларига кўра, Венесуэлада президент саройи яқинида отишма содир бўлмоқда. Воқеа сабаблари аниқ эмас.

Венесуэланинг Noticias Caracol радиостанцияси манбалари ҳудуддаги давлат идоралари эвакуация қилингани ҳақида хабар бермоқда. Таъкидланишича, дронлар ҳудуд устидан учиб ўтган бўлиши мумкин, бу эса ҳаво ҳужумидан мудофаани ишга туширган.

AFP ҳукуматдаги манбаларга таяниб хабар беришича, вазият назорат остида.