"Бу яхши суҳбат бўлди, лекин зудлик билан тинчликка олиб келадиган суҳбат эмасди..."

Доналд Трамп Владимир Путин билан телефон орқали суҳбатлашганини маълум қилди

АҚШ президентининг сўзларига кўра, суҳбат тахминан 1 соат 15 дақиқа давом этган.

"Биз Украина томонидан Россия самолётларига қилинган ҳужумни, шунингдек, ҳар икки томондан амалга оширилаётган турли ҳужумлар ҳақида муҳокама қилдик. Бу яхши суҳбат бўлди, лекин зудлик билан тинчликка олиб келадиган суҳбат эмасди. Президент Путин яқинда аэродромларга қилинган ҳужумга қаттиқ жавоб қайтаришига тўғри келиши айтди.

Биз, шунингдек, Эрон масаласини ҳам муҳокама қилдик ва Эроннинг ядровий қурол бўйича қарор қабул қилиш вақти тугаётгани, бу қарор тез фурсатда қабул қилиниши зарурлигини муҳокама қилдик. Мен президент Путинга Эрон ядровий қуролга эга бўлмаслиги кераклигини айтдим ва бу масалада биз ҳамфикр эканлигимизни билдирдим. Президент Путин Эрон билан музокараларда иштирок этишини, эҳтимол, уларни тезроқ якунлашда фойдаси тегиши мумкинлигини билдирди. Менимча, Эрон бу жуда муҳим масала бўйича қарор қабул қилишни чўзмоқда, улардан бизга жуда қисқа муддат ичида аниқ жавоб керак бўлади!", — деб ёзди Қўшма Штатлар президенти Трутҳ Соcиал ижтимоий тармоғидаги саҳифасида.