"Бу клубга муҳаббатим ҳеч қачон ўлмайди": Трент "Ливерпуль" билан хайрлашди

"Ливерпуль" ҳимоячиси Трент Александр-Арнольд клубни тарк этишини маълум қилди.

Футболчининг тан олишича, у бутун фаолиятини "Ливерпуль"да ўтказгани учун кетиш қарорини қабул қилишда қийналган.

"Мен барчага - мураббийларимга, менежерларимга, жамоадошларимга, ходимларимга ва ажойиб мухлисларимизга чин юракдан миннатдорчилик билдираман. Бу ерда орзуларимни рўёбга чиқариш бахтига муяссар бўлдим. Бу клубга бўлган муҳаббатим ҳеч қачон ўлмайди," - дейди Трент ижтимоий тармоқдаги саҳифасида.