AtlasIntel ва Bloomberg томонидан ўтказилган сўнгги сўров натижалари Бразилиянинг амалдаги президенти Луис Инасио Лула да Силва ва сенатор Флавио Болсонару ўртасидаги фарқ минимал эканини кўрсатди. Иккинчи турда ўнг қанот вакили Болсонару 47,8%, амалдаги давлат раҳбари Лула эса 47,5% овоз тўплади. Бу кўрсаткич номзодларнинг статистик жиҳатдан бир хил мавқеда эканидан далолат беради.
Октябр ойида бўлиб ўтадиган сайловларда асосий эътибор собиқ президент Жаир Болсонарунинг ўғли — 44 ёшли Флавиога қаратилган. 80 ёшли Лула ўз навбатида тўртинчи бор президентлик курсисини эгаллаш ниятида.
Бразилия қонунчилигига кўра, агар биринчи турда ҳеч бир номзод мутлақ ғалаба қозона олмаса, ғолиб иккинчи турда аниқланади. Лотин Америкасининг энг йирик иқтисодиётидаги бу сиёсий беллашув халқаро бозорлар эътиборида турибди.
Санчес АҚШнинг Испанияни НАТОдан чиқариб юбориш режалари ҳақидаги хабарига муносабат билдирди
Украинанинг янги «сюрпризи» ҳақида
Арағчи нима сабабдан Покистонга ташриф буюрганини биласизми?
