Шимолий Корея раҳбари Ким Чен Ин Рёнсон машинасозлик бирлашмасида реконструкция ва модернизациянинг биринчи босқичи объекти ишга туширилиши маросими пайтида кескин нутқ сўзлаб, бош вазир ўринбосари Ян Син Хони лавозимидан озод қилди. Бу ҳақда ЦТАК хабар берди.
Ким Чен Ин Рёнсон машинасозлик бирлашмасида техник қайта қуришнинг биринчи босқичи жараёнига раҳбарлик қилишдаги камчиликларни қаттиқ танқид қилди. Унинг таъкидлашича, айрим раҳбарларнинг "масъулиятсизлиги ва мослашувчанлиги" сабаб модернизация жараёнида ортиқча тартибсизлик юзага келган, бу эса қийинчиликлар ва иқтисодий зарарга олиб келган.
"Хўжаликни бошқаришдаги ҳозирги раҳбар кучлар мамлакат саноатини умумий тартибга солиш ва техник қайта қуришга тайёр эмас", — дея таъкидлади у. Шунингдек, у "пассивлик ва масъулиятсизликка ўрганиб қолган" шахсларга таяниш мумкин эмаслигини қайд этди.
Ким Чен Ин воқеа жойида Ян Син Хони лавозимидан бўшатди.
Маълум қилинишича, Ян Син Хо Шимолий Корея ҳукуматида бош вазир ўринбосари — оғир саноат вазири лавозимида фаолият юритган ва машинасозлик соҳасини назорат қилган.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Украина Россиянинг "Орешник" ракеталари учириладиган ракета майдончасига зарба берди
