Болгарияда Украинага тегишли бўлган автобус иштирокида юз берган бахтсиз ҳодиса натижасида икки киши ҳалок бўлди, яна тўққиз киши жароҳатланди. Бу ҳақда Болгария миллий телевидениеси хабар бермоқда.
Дастлабки маълумотларга кўра, автобус Болгария-Туркия чегараси яқинидаги «Малко-Тирново» назорат-ўтказиш пункти ҳудудида ёқилғисиз қолган. Ҳайдовчи ҳаракатга халақит бермаслик учун транспорт воситасини йўл четига (кюветга) чиқарган. Бироқ ёқилғи қуйилганидан сўнг, автобус тўсатдан орқага ҳаракатланишни бошлаган ва ағдарилиб кетган.
«Жароҳатланганлар Бургас шаҳридаги шифохонага ётқизилди. Автобусда жами 37 нафар йўловчи — асосан аёллар ва болалар, шунингдек, икки нафар ҳайдовчи бўлган», — дейилади хабарда.
Қайд этилишича, сайёҳлар Одессадан Истанбул шаҳрига туристик сафар уюштириш мақсадида йўлга чиқишган эди. Ҳозирда ҳодиса юзасидан суриштирув ишлари олиб борилмоқда.
Италия ОАВлари Макроннинг Жоржа Мелони билан учрашувдаги ҳаракатларини кескин танқид қилди
Теҳрон Эрон кемасини қўлга олганидан кейин АҚШ ҳарбий кемаларига ҳужум қилди
Вашингтон Теҳронга таклиф берди
