Маълумотларга кўра, ушбу заргарлик буюмларининг умумий қиймати 120 млн. сўмни ташкил қилмоқда.

Қайд этилишича, Андижон вилояти божхона бошқармасининг “Дўстлик“ чегара божхона постида йўловчилардан бири 114 гр. оғирликдаги 12 дона заргарлик буюмларини ноқонуний равишда олиб киришга уринган вақтида тўхтатиб қолинди.

Божхона ходимларининг оғзаки сўровида ва йўловчи божхона декларациясида маълум қилинмаган мазкур заргарлик буюмларининг умумий қиймати дастлабки ҳисоб-китобларга кўра 120 млн. сўмни ташкил қилмоқда.

Эслатиб ўтамиз, вилоят божхоначилари жорий йилнинг ўтган даврида қиймати 1,5 млрд сўмлик салкам 1,5 кг оғирликдаги заргарлик буюмларининг божхона чегаралари орқали ноқонуний олиб ўтилишининг олдини олишди.