БМТга пластик ишлаб чиқаришни камайтириш бўйича келишувга эришишнинг иложи бўлмади

Пластик чиқиндиларни камайтиришга қаратилган глобал битим бўйича музокаралар тугади. Уч йиллик муҳокамалардан сўнг, Женевада тўпланган 180 га яқин мамлакат вакиллари битимнинг ягона матни бўйича келиша олишмади. Бугун эрталаб бир нечта делегациялар музокаралар тугаганини расман эълон қилди.

Томонлар позицияси бутунлай қарама-қарши бўлиб чиқди.

🔹 100 дан ортиқ давлат — жумладан, Германия, Европа Иттифоқи аъзолари, шунингдек кўплаб Африка, Осиё ва Жанубий Америка давлатлари —
пластик ишлаб чиқаришни кескин камайтириш,
бир марталик идишлар (стакан, вилка ва ҳоказо)ни тақиқлаш,
ҳамда қайта ишлаш саноатини ривожлантириш тарафдори бўлди.

🔸 Аммо нефть ва пластмасса ишлаб чиқарувчи йирик мамлакатлар — жумладан, Саудия Арабистони, Эрон ва Россия — бундай чекловларга қарши чиқиб, диққатни чиқиндини бошқаришни яхшилашга қаратишни таклиф қилди.

📈 1970 йилдан буён жаҳонда пластик ишлаб чиқариш етти баробарга ошди
🔁 Ҳозирги кунда бу кўрсаткич 367 миллион тоннани ташкил этмоқда
🗑 2050 йилга келиб, йиллик ҳажм 600 миллион тоннага етиши мумкин

🌍 Ҳозиргача дунёда 8,3 миллиард тонна пластик ишлаб чиқарилган,
шундан 6,3 миллиард тоннаси чиқиндига айланган — ва уларнинг катта қисми полигонларда ётмоқда ёки табиатда парчаланмоқда.