БМТ комиссияси Исроилнинг Ғазодаги ҳаракатларини геноцид деб тан олди

БМТ комиссияси Исроилнинг Ғазодаги ҳаракатларини геноцид деб тан олди, деб хабар берди РИА Новости.

«Исроил ҳукумати Ғазо секторидаги фаластинликларнинг гуруҳ сифатида кўпайиш қобилиятини, жумладан, фарзанд кўришнинг олдини олишга қаратилган чора-тадбирларни жорий этиш орқали йўқ қилди; ва атайлаб фаластинликларни гуруҳ сифатида жисмоний йўқ қилишга мўлжалланган турмуш шароитларини яратди, бу Рим статути ва Геноцид жиноятининг олдини олиш ва жазолаш тўғрисидаги конвенцияда («Геноцид тўғрисидаги конвенция») геноциднинг асосий ҳаракатлари ҳисобланади», — дейилади БМТ Фаластиннинг босиб олинган ҳудудидаги воқеаларни тергов қилиш бўйича мустақил халқаро комиссияси унинг ҳисоботида.

Комиссиянинг асосий хулосалари:

• Исроил Ғазо секторида геноцидни давом эттирмоқда, унинг аҳолига нисбатан ҳаракатлари 1948 йилдан бери энг шафқатсиз тусга кирди;
• мамлакатнинг ҳарбий ва сиёсий етакчилари, жумладан, бош вазир Бинямин Нетаняҳу бунга даъват қилган;
• Тел-Авив анклав аҳолисига нисбатан геноциднинг олдини ололмагани учун жавобгар;
• мамлакатлар ЦАХАЛ (Исроил армияси)нинг Ғазо ва босиб олинган ҳудудлардаги ҳаракатларини тўхтатиш учун барча воситалардан фойдаланиши шарт.