БМТ Эрондаги воқеаларни диққат билан кузатиб бормоқда

Бирлашган Миллатлар Ташкилоти (БМТ) Эрондаги воқеаларни диққат билан кузатиб бораётганини ва норозилик намойишлари пайтида ўлимлар ҳақидаги хабарлардан чуқур хавотирда эканлигини билдирди.

БМТ Бош котибининг вакили Стефан Дужаррик журналистларнинг саволларига жавоб берар экан, бу ҳақда баёнот берди.

Унинг таъкидлашича, БМТ Эрондаги вазиятни диққат билан кузатиб бормоқда. Шунингдек, у норозилик намойишлари пайтида одамларнинг ҳалок бўлишидан "жиддий хавотир" билдирди. Дюжаррик ҳамма жойда одамлар тинч норозилик билдириш ҳуқуқига эга эканлигини ва бу ҳуқуқларни таъминлаш ҳукуматларнинг масъулияти эканлигини таъкидлади.

БМТ Бош котибининг вакили ҳозирда барча БМТ ходимлари хавфсиз эканлигини айтди. Бироқ, у Эронда интернет ва алоқа узилишлари юз бераётганини ва бу алоқага халақит бераётганини таъкидлади.