Россия президенти Владимир Путин узоқ урушга кирса адашади, чунки вақт у томонда эмас. Бу ҳақда АҚШ давлат котиби Энтони Блинкен Киев политехника институтида сўзлаган нутқида айтиб ўтди, дея хабар бермоқда Украина ОАВлари.
“Россия 20 йилдан бери Украина устидан назорат учун курашда ютқазиб келмоқда. Путин хато қиляпти - вақт Украина томонида. Чунки ҳар ой биз биргаликда бажараётган иш Украинани Европа Иттифоқи ва НАТОга аъзоликка яқинлаштиради”, - дея таъкидлади у.
Блинкен, шунингдек, Украина ҳар ой хавфсизлик кафолатлари бўйича кўпроқ шартномалар имзолаётганини, мудофаа ишлаб чиқаришни кўпайтиришини, Ғарб қуролларини кўпроқ қабул қилиб, иқтисодиётни мустаҳкамлаётганини эслатди.
“Россия замонда орқага кетмоқда, Украина олдинга интилмоқда”, - дея хулоса қилди у.