“Биз тайёрмиз” — Медведев Россия НАТО билан жанг қилиши ҳақида гапирди

Россия Хавфсизлик кенгаши котиби ўринбосари Дмитрий Медведев Украинани Ғарб ҳамкорлари томонидан қуроллантириш фонида навбатдаги таҳдидлар билан чиқди. Сиёсатчи ўзининг Telegram каналида тегишли фикри билан бўлишди.

Медведев Канаданинг Украинага ёрдами, АҚШ Abrams танклари етказиб бериши ва ATACMS ракеталар берилиши ҳақида ёзди.

“Афтидан, Россияга НАТО билан қуруқликда тўғридан тўғри конфликтга боришдан ташқари кам танлов қолдирилмоқда. НАТО Гитлер ўқи каби, каттароқ бўлса-да, очиқ фашистик блокка айланган. Гарчи натижа 1945 йилдагидан кўра инсоният учун анча қимматга тушса-да, биз тайёрмиз”, — деди Медведев.

Американинг Abrams танклари Украинага етиб келди

АҚШ умумий ҳисобда Украинага 31 та Abrams М1А1 танкини юборошга ваъда берган. Украина президенти Владимир Зеленский 25-сентябр куни танкларнинг биринчи қисми етиб келганини тасдиқлади.

Байден Зеленскийга узоқ масофали ATACMS ракеталарини ваъда қилган

АҚШ Украинага ATACMS узоқ масофали ракеталарининг кичик партиясини беришини маълум қилган. Ракеталар қачон юборилиши ёки таъминот ҳақида қачон расман эълон қилинишига аниқлик киритмаган. Украина улардан Россияга қарши фойдаланмаслигини билдирган.