Bitcoin'нинг нархи тарихда биринчи марта Binance биржасида 100 минг доллардан ошди. Ноябрь ойида АҚШ президенти сайловларида Дональд Трамп ғалаба қозонгандан сўнг криптовалюта нархи кўтарила бошлади. Ўша пайтда нарх 68 минг доллар атрофида эди ва бир ой ичида бир неча тарихий рекордни ўрнатди.
Бундай ўсиш Трампнинг криптовалюта бозори ҳақидаги баёнотлари билан боғлиқ. Хусусан, у АҚШни “сайёранинг крипто пойтахти”га айлантириш ва Bitcoin захирасини тўплашга ваъда берганди.
Агар криптовалюта келажакни белгилайдиган бўлса, мен унинг майнинг қилиниши, зарб этилиши ва ишлаб чиқарилиши АҚШда бўлишини хоҳлайман, деган эди Трамп.
Ноябрь ойида мутахассислар Трампнинг биткоин нархини кўтаришдаги алоҳида хизматини таъкидладилар. Сиднейдаги ATFX Global бозор таҳлилчиси Ник Твидейл айтишича, бўлажак президент бу соҳани қўллаб-қувватламоқда, криптовалютанинг ўзи эса, чамаси, етарлича баҳоланмаганди.
Трамп сиёсати бошқа давлатларнинг АҚШдан ўзиб кетишга уриниб, биткоинларни сотиб олишни бошлаш эҳтимолини оширмоқа, дейди Astronaut Capital крипто-валюта активларини бошқариш компанияси бош инвестиция директори Метю Дибб.
Bitcoin нархининг ошиши фонида майнинг ва криптовалюталар савдоси билан шуғулланувчи компанияларнинг акциялари ҳам кўтарила бошлади.
Майкл Жексоннинг 2025 йилдаги соф бойлиги қанча эканлиги эълон қилинди
Роналду "Реал"га қайтиши мумкин
Россиянинг пухта ишланган махфий режаси ошкор бўлди
