AFP агентлиги маълумотларига кўра, америкалик музокарачилар Стив Уиткофф ва Жаред Кушнер Киевни Донбассдан воз кечишга рози бўлишга ундаб келмоқда. Бироқ агентлик манбаларининг таъкидлашича, Украина президенти Владимир Зеленский учун бу масала ҳали ҳам «қизил чизиқ» бўлиб қолмоқда.
Москва эса Берлиндаги музокаралар бошланишидан олдин, Украина НАТОга аъзо бўлиш йўлидан воз кечмаса, тинчлик бўйича келишувларга эришиб бўлмаслигини маълум қилган. Кремль матбуот котиби Дмитрий Песков Украинанинг нейтрал мақомини эҳтимолий тинчлик келишувларининг «асосий пойдеворларидан бири» ва «алоҳида муҳокама предмети» деб атади.
Берлинда Киевнинг айрим таклифлари мулоқот учун асос бўлиши мумкинлиги ҳақида сигналлар янграмоқда. Хусусан, Германия ташқи ишлар вазири Йоханн Вадефуль Deutschlandfunk радиоси эфирида Зеленскийнинг НАТОдан воз кечишга эҳтимолий тайёрлиги ҳақидаги баёнотларини изоҳлади.
«Агар бу Украина таклифлари бўлса, Россия бу позицияни қабул қилиши мумкин. Аммо биз Украина энг яхши музокара позициясига эришиши учун қўлимиздан келган барча ишни қилишда давом этамиз», — деди у.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
