Карим Бенземанинг фикрича, Родри «Олтин тўп»га лойиқ эмас.
28 октябр куни «Манчестер Сити» клуби ва Испания миллий жамоаси яримҳимоячиси France Football талқинига кўра дунёнинг 2024 йилдаги энг яхши футболчиси деб топилди. Иккинчи ўринни «Реал» клубининг бразилиялик вингери Винисиус Жуниор эгаллади.
«Винисиус билан гаплашдим, у хафа ва бу нормал. У «Олтин тўп»ни қўлга киритишга лойиқ эди.
Родрига қаршилигим йўқ, у яхши футболчи... Лекин мен диванда телевизор кўриб ўтираман ва Родри сизни «вау» дейишга мажбур қиладиган ҳеч нарса кўрсатмайди. Вини эса буни бир неча марта қилган.
Ўйлайманки, бу — жуда оғир лаҳза. Бутун дунё сенинг «Олтин тўп»ни қўлга киритишингни кутмоқда ва охир-оқибат бу содир бўлмаслигини айтишади. Винисиус — яхши йигит. У ҳаракат қилишда давом этади ва бир кун келиб «Олтин тўп»ни қўлга киритади», — деди мадридликларнинг собиқ футболчиси El Chiringuito'га берган интервюсида.
