"Реал" ярим ҳимоячиси Жуд Беллингем норози бўлмоқда. Инглизга Хаби Алонсонинг бошқарув услуби ёқмаяпти. Беллингем аллақачон Мадрид суперклуби раҳбарияти вакилларига ўз норозилигини билдирган. Бу ҳақда Transfer News Live Onda Cero'нинг Radioestadio Noche дастурига таяниб хабар бермоқда.
Хаби Алонсо ёз бошидан буён "Реал"га устозлик қилмоқда. Ушбу мутахассис бошчилигидаги 16 та учрашувда "қаймоқранглилар" 13 та ғалаба, битта дуранг ва иккита мағлубият қайд этишган.
Хабарингиз бор, Жуд Беллингем ёзда елкасидаги муаммоси туфайли операция қилинганидан сўнг сафга қайтган эди.
"Реал" Испания Ла Лигасида 8 турдан сўнг пешқадам бўлиб турибди.
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
