"Бавария" юлдузи жиддий жароҳат сабаб 4-5 ойни ўтказиб юборади

"Бавария" ярим ҳимоячиси Жамол Мусиала чап оёғининг кичик болдир суягини синдириб, бир нечта пайларига шикаст етказди, деб ёзади Bild.

Манбага кўра, 22 ёшли немис 4-5 ойни ўтказиб юборади ва бу йил майдонга тушмаслиги мумкин.

Клублар ўртасидаги Жаҳон чемпионатининг "ПСЖ"га (0:2) қарши ўйинининг 45+4-дақиқасида Мусиала дарвозабон Жанлуижи Доннарумма билан тўқнашувда жиддий жароҳат олди. Ўйин трансляциясига Мюнхен клуби футболчисининг оёғи ғайритабиий тарзда қайрилгани тасвирланган.